راز دار اور راز دان کے متعلق

فارسی کا ایک دلچسپ قاعدہ

راز دار اور راز دان سے متعلق فارسی کا دل چسپ قاعدہ بھی سمجھ لیں ، اس سے ان شاء اردو میں آپ کے پاس مرکبات کا بڑا ذخیرہ آجائے گا نیز آپ خود بھی نئی تراکیب بنا سکیں گے۔

قاعدہ یہ ہے کہ مضارع سے دال گرائیں تو امر حاضر بنتا ہے پھر امر حاضر سے پہلے اگر اسم لگا دیں تو اسم فاعل بن جاتا ہے جیسے داشتن (رکھنا) سے مضارع ہے "دارد” جس سے امر حاضر بنا "دار” ، دار کے شروع میں اسم (راز) لگایا تو بنا راز دار ، یعنی راز رکھنے والا۔
اسی طرح دانستن (جاننا) سے مضارع ہے "داند” ، اس سے امر حاضر ہے "دان” ، اس کے شروع میں اسم (راز) لگانے سے بنا راز دان ، یعنی راز جاننے والا

اس کی مزید مثالیں دیکھیں

دیدن (دیکھنا) ، مضارع: بیند ، امر: بین ، اسم فاعل: دور بی

ساختن (بنانا) ، مضارع: سازد ، امر: ساز ، اسم فاعل: کار ساز
شکستن (توڑنا) ، مضارع: شکند ، امر: شکن ، اسم فاعل: توبہ شکن
نمائیدن (دکھانا) ، مضارع: نماید ، امر: نما ، اسم فاعل: جہاں نما
پائیدن (ٹھہرنا) ، مضارع: پاید ، امر: پا ، اسم فاعل: دیر پا
بُردن (لے جانا) ، مضارع: بَرد ، امر: بَر ، اسم فاعل: دل بر
ربائیدن (لے بھاگنا) ، مضارع: رباید ، امر: ربا ، اسم فاعل: دل ربا
کشائیدن (کھولنا) ، مضارع: کشاید ، امر: کشا ، اسم فاعل: مشکل کُشا
کشیدن (کھینچنا) ، مضارع: کَشد ، امر: کَش ، اسم فاعل: دل کَش
کُشتن (مارڈالنا) ، مضارع: کُشد ، امر: کُش ، اسم فاعل: خود کُش
زدن (مارنا) ، مضارع: زَند ، امر: زَن ، اسم فاعل: راہ زن
پذیرفتن (قبول کرنا) ، مضارع: پذیرد ، امر: پذیر ، اسم فاعل: دل پذیر
نوشیدن (پینا) ، مضارع: نوشد ، امر: نوش ، اسم فاعل: مے نوش
آشامیدن (پینا) ، مضارع: آشامد ، امر: آشام ، اسم فاعل: خون آشام
خوردن (کھانا) ، مضارع: خورد ، امر: خور ، اسم فاعل: آدم خور
افزائیدن (بڑھانا) ، مضارع: افزاید ، امر: افزا ، اسم فاعل: روح افزا
پروردن (پالنا) ، مضارع: پرورد ، امر: پرور ، اسم فاعل: روح پرور
بازیدن (کھیلنا) ، مضارع: بازد ، امر: باز ، اسم فاعل: جاں باز
مالیدن (مَلنا) ، مضارع: مالد ، امر: مال ، اسم فاعل: رو مال
کَردن (کرنا) ، مضارع: کُند ، امر: کُن ، اسم فاعل: کار کُن
کَندن (کھودنا) ، مضارع: کَند ، امر: کَن ، اسم فاعل: گور کَن
نوشتن (لکھنا) ، مضارع: نویسد ، امر: نویس ، اسم فاعل: اخبار نویس
گرفتن (لینا/پکڑنا) ، مضارع: گیرد ، امر: گیر ، اسم فاعل: راہ گیر ، دست گیر
یافتن (پانا) ، مضارع: یابد ، امر: یاب ، اسم فاعل: کام یاب

طالبِ دعا:
محمد اسامہ سَرسَری